Quen somos?

Nais e pais preocupados pola formación das nosas fillas e fillos. Iso é o que nos move, o que nos dá a forza para contribuír a artellar a comunidade educativa que se sustenta en dous piares: docentes e familia. 

Educar vai máis aló do coñecemento, atinxe aos valores. E aí radica o noso traballo.

Dende a ANPA IES CARLOS CASARES estamos para asistir en todo o que incumbe á educación dos nosos fillos e fillas e para promover a participación das familias. A ANPA está en permanente comunicación coa Dirección do Instituto ademais de formar parte tamén do Consello Escolar, representando ás persoas asociadas, dándolles voz e voto nas reunións que se levan a cabo no Centro.

Apostamos pola diversidade, pola educación inclusiva e defendemos a conciliación da vida familiar e laboral.